Amser o'r gwaith ar gyfer dibynyddion

Diweddarwyd y dudalen: 01/06/2023

O dan Ddeddf Hawliau Cyflogaeth 1996 mae gan yr holl weithwyr (waeth beth fo'u cyfnod gwasanaeth) yr hawl i gymryd cyfnod 'rhesymol' o amser di-dâl o'r gwaith yn ddirybudd i ymdrin ag argyfyngau penodol, annisgwyliadwy sy'n effeithio ar eu dibynyddion.

Amser o'r gwaith i ofalu am ddibynnydd. Mae dibynnydd yn cynnwys y canlynol:

  • Priod: Gŵr, gwraig, partner sifil
  • Plentyn: Golyga hyn blentyn o unrhyw oedran
  • Rhiant: Mae hyn yn cynnwys llys-rieni
  • Rhywun sy'n byw yn yr un cartref: mae hyn yn cynnwys partneriaid neu berthnasau oedrannus sy'n byw gyda'r gweithiwr, ond nid yw'n cynnwys gweithiwr, tenant, lodjar neu letywr.

Nid oes cyfnod o wasanaeth yn ofynnol er mwyn bod yn gymwys am amser i ffwrdd.

 Beth yw'r hawl?

Mae gennych hawl i amser rhesymol o'r gwaith yn ddi-dâl yn ystod eich oriau gwaith er mwyn cymryd camau sy'n angenrheidiol mewn nifer o wahanol amgylchiadau, fel y nodir isod:

  • I roi cymorth ar adeg pan fo dibynnydd yn mynd yn sâl, yn rhoi genedigaeth, yn cael anaf, neu'n dioddef ymosodiad. I wneud trefniadau ar gyfer darparu gofal am ddibynnydd sydd wedi'i daro'n wael neu wedi'i anafu (mae salwch neu anaf yn cynnwys salwch neu anaf meddyliol).
  • O ganlyniad i farwolaeth dibynnydd (byddai'r hawl hon yn cwmpasu, er enghraifft, gwneud trefniadau ar gyfer angladd a bod yn bresennol yn yr angladd).
  • Oherwydd bod amharu annisgwyl ar drefniadau ar gyfer gofalu am ddibynnydd neu oherwydd eu bod wedi eu terfynu'n annisgwyl. (Byddai hyn yn cynnwys y gweithiwr ei hun yn rhoi cymorth neu'n gwneud trefniadau eraill).
  • I ddelio ag achos sy'n ymwneud â phlentyn i'r gweithiwr ac sy'n digwydd yn annisgwyl yn ystod cyfnod pan fo sefydliad addysgol y mae'r plentyn yn ei fynychu yn gyfrifol amdano. Byddai hyn yn cynnwys:
    • Pan fo'r plentyn mewn trallod am ryw reswm
    • Lle bo'r plentyn wedi camymddwyn mewn modd difrifol a allai arwain at ei wahardd o'r ysgol

Noder: Mae gan y Cyngor ddarpariaethau Absenoldeb o'r Gwaith Tosturiol y gellir eu caniatáu pan fydd perthynas agos i'r gweithiwr wedi marw neu'n ddifrifol wael. Mae'r darpariaethau hyn yn annibynnol ar y Rheoliadau mewn perthynas ag Amser o'r Gwaith ar gyfer Dibynyddion, ac yn ychwanegol atynt.

 Gwneud cais am amser o'r gwaith

Rhaid ichi gysylltu â'ch rheolwr llinell neu'ch swyddog enwebedig cyn gynted â phosibl er mwyn rhoi gwybod iddo/iddi pam eich bod yn absennol neu fod angen amser o'r gwaith arnoch, ac am ba hyd rydych yn disgwyl bod yn absennol.

Bydd gofyn i chi gyflwyno cais Amser o'r Gwaith ar gyfer dibynyddion gan ddefnyddio'r system hunanwasanaeth ar y we, ‘Dangosfwrdd – My View'

Os na allwch gael mynediad i'r system hunanwasanaeth ar y we, bydd gofyn i chi lenwi'r ffurflen Cais am Amser o'r Gwaith ar gyfer Dibynyddion.

 Faint o amser o'r gwaith sy'n rhesymol?

Dylai'ch rheolwr ystyried y canlynol wrth benderfynu faint o amser o'r gwaith sy'n rhesymol:

  • Beth sydd i'w wneud yn ymarferol? Faint o amser byddai hynny'n ei gymryd fel arfer?
  • A oes unrhyw amgylchiadau a fyddai'n cyfiawnhau rhoi rhagor o amser ichi? Er enghraifft, ydy'r dibynnydd yn byw bellter i ffwrdd? Os felly, efallai na fyddai'n ymarferol ichi ddychwelyd i'r gwaith rhwng gwneud trefniadau.
  • A oes unrhyw anghenion gwasanaeth a fyddai'n effeithio ar faint o amser a ganiateir ichi ar adeg benodol?

Dylid cydbwyso'r tair ystyriaeth uchod wrth benderfynu beth sy'n rhesymol.

 Camddefnydd

Os camddefnyddir y cynllun hwn mewn unrhyw fodd, ymdrinnir â hynny o dan ein gweithdrefn ddisgyblu. Mae camddefnydd yn cynnwys:

  • Cymryd absenoldeb at ddibenion heblaw gofalu am ddibynnydd, fel y nodir uchod.

 Apeliadau

Os yw eich cais am amser o'r gwaith wedi cael ei wrthod, er ei fod yn un teg yn eich barn chi, gallwch ddefnyddio'r Weithdrefn Achwyniad i ddatrys y mater.

Pwysig

Darllenwch y Polisi Amser o'r Gwaith ar gyfer Dibynyddion i gael rhagor o wybodaeth, gan gynnwys ei gwmpas a'i egwyddorion cyffredinol.

Gallwch gysylltu â’r Tîm Absenoldeb drwy:
E-bostio: TimAbsenoldebAdnoddauDynol@sirgar.gov.uk | Est: 6156 / 6169

Adnoddau Dynol

Ymddygiad a Safonau

Cam-Drin Domestig a Thrais Rhywiol

Cysylltiadau â gweithwyr

Cefnogaeth Gweithwyr

Cydroddoldeb ac Amrywiaeth

Gweithio Hyblyg a Rhannu Swydd

Swyddi a gyrfaoedd

Absenoldeb

Gadael y Cyngor

Cwrdd â'r tîm

Cyflog a buddion

Recriwtio gweithiwr asiantaeth

Recriwtio

ResourceLink / MyView

Ailstrwythuro

Absenoldeb Salwch

Gwirfoddoli

Datgelu Camarfer

Cynllunio'r Gweithlu a Chynllunio ar Gyfer Olyniaeth

Mwy ynghylch Adnoddau Dynol