Tâl ac Absenoldeb ar gyfer Rhieni â Baban Cynamserol/Baban yn yr Ysbyty

Diweddarwyd y dudalen: 31/05/2023

 Rwy'n weithiwr a chafodd fy maban ei eni'n gynnar, beth sydd angen i mi ei wneud?

Os caiff eich baban ei eni'n gynnar, mae'n bwysig eich bod chi neu'ch cynrychiolydd yn rhoi gwybod i'ch rheolwr am y sefyllfa. Mae hyn yn golygu y gallai ymdrin ag unrhyw brosesau gweinyddol ar eich rhan. Ar ôl hynny, yr unig beth i ganolbwyntio arno yw llesiant eich baban. Bydd eich rheolwr yn sicrhau bod yr Absenoldeb Mamolaeth neu Absenoldeb Cymorth Mamolaeth, a'r absenoldeb babanod cynamserol os yw'n berthnasol, yn cael ei roi ar waith.

 Beth yw ystyr genedigaeth gynnar?

Ystyrir bod baban sy'n cael ei eni cyn 37 wythnos y beichiogrwydd yn enedigaeth gynnar.

 Beth yw ystyr tymor llawn?

Babanod tymor llawn yw'r rheiny sy'n cael eu geni ar ôl 37 wythnos, felly os caiff eich baban ei eni yn ystod wythnos 38, ystyrir hon yn enedigaeth tymor llawn.

 Pryd fydd fy absenoldeb mamolaeth yn dechrau os caiff fy maban ei eni'n gynnar?

Os caiff eich baban ei eni'n gynnar ac nad ydych wedi dechrau ar eich absenoldeb mamolaeth, bydd eich absenoldeb mamolaeth yn dechrau ar y diwrnod ar ôl yr enedigaeth.

 Cafodd fy maban ei eni cyn y 15fed wythnos cyn wythnos ddisgwyliedig yr enedigaeth, a all fy mhartner gael absenoldeb tadolaeth o hyd?

Bydd hawl gan eich partner i gael absenoldeb a thâl tadolaeth os bydd wedi'i gyflogi am 26 wythnos ers y 15fed wythnos cyn wythnos ddisgwyliedig yr enedigaeth a'i fod wedi ennill o leiaf £123 bob wythnos ar gyfartaledd (Ebrill 2023 - Mawrth 2024) yn yr wyth wythnos cyn wythnos geni eich baban.

 

  Beth fydd yn digwydd i absenoldeb tadolaeth fy mhartner os bydd ein baban yn cael ei eni'n gynnar?

Gall tadau a phartneriaid (gan gynnwys partneriaid o'r un rhyw) ddechrau ar eu habsenoldeb tadolaeth ar ddiwrnod geni'r plentyn neu gymryd absenoldeb tadolaeth hyd at 56 diwrnod ar ôl yr enedigaeth. Os bydd eich baban yn cael ei eni'n gynnar, gellir cymryd absenoldeb tadolaeth hyd at 56 diwrnod o'r dyddiad disgwyliedig. Gall absenoldeb tadolaeth fod am un wythnos neu ddwy, ac mae'n rhaid iddo ddod i ben o fewn y cyfnod o 56 diwrnod.

Os yw eich partner eisoes wedi rhoi gwybod pryd bydd am ddechrau ar absenoldeb tadolaeth a bod eich baban yn cael ei eni'n gynnar, bydd yn rhaid i'ch partner gysylltu â ni cyn gynted ag y bo'n rhesymol bosibl i roi gwybod i ni fod eich baban wedi'i eni. Gall eich partner newid dyddiad dechrau'r absenoldeb tadolaeth drwy roi gwybod cyn gynted ag y bo'n rhesymol bosibl. Os nad yw eich partner wedi rhoi gwybod eto, a chaiff eich baban ei eni'n gynnar, bydd yn rhaid iddo/iddi gysylltu â ni cyn gynted â phosibl a rhoi gwybod pryd y bydd am gymryd absenoldeb tadolaeth.

 Rwyf wedi llenwi fy ffurflen gais ac mae gennyf gopïau o'm tystiolaeth ategol, a allaf eu dychwelyd dros e-bost neu a oes angen eu hanfon at y Tîm Absenoldeb?

Byddwn yn derbyn y ddau, mae neges e-bost yn ddigonol ynghyd â chopïau wedi'u sganio o'r dystiolaeth ategol angenrheidiol. Cyfeiriad post: Y Tîm Absenoldeb, Adeilad 4, Parc Dewi Sant, Caerfyrddin, SA31 3HB.

 Cafodd fy maban ei dderbyn i'r ysbyty yn syth ar ôl cael ei eni yn ystod wythnos 38, arhosom yn yr ysbyty am 3 wythnos, fi yw mam y baban ac rwy'n gymwys i gael absenoldeb mamolaeth, beth yr wyf yn gymwys i'w gael?

Byddwch yn derbyn eich taliadau mamolaeth. Yn ogystal, byddech yn derbyn 3 wythnos o dâl am absenoldeb baban yn yr ysbyty a 3 wythnos ychwanegol o absenoldeb baban yn yr ysbyty ar ddiwedd y cyfnod mamolaeth (heb dâl).

 Faint o wythnosau o dâl ac absenoldeb baban yn yr ysbyty allaf eu hawlio?

Yr uchafswm o ran tâl ac absenoldeb yw 4 wythnos.

 Cafodd fy maban ei eni'n gynnar yn 36 wythnos ac arhosodd yn yr ysbyty am bedair wythnos, fi yw tad y baban ac rwy'n gymwys i gael absenoldeb tadolaeth, beth yr wyf yn gymwys i'w gael?

Byddwch yn derbyn 4 wythnos o dâl baban cynamserol, tâl ac absenoldeb tadolaeth am hyd at 2 wythnos (dewisol) ac wedyn 4 wythnos o absenoldeb baban cynamserol yn dilyn yr absenoldeb tadolaeth (heb dâl).

 Faint o wythnosau o dâl ac absenoldeb baban cynamserol y gallaf eu hawlio?

O'r enedigaeth i ddiwedd y cyfnod yn yr ysbyty (hyd at y dyddiad tymor llawn - 40 wythnos).

 Mae fy mhartner a minnau'n gweithio i'r Awdurdod, a all y ddau ohonom hawlio'r absenoldeb a'r tâl?

Gallwch wneud cais am y tâl a'r absenoldeb.

 Cafodd fy maban ei ryddhau o'r ysbyty, ond roedd angen i ni fynd yn ôl i'r ysbyty'n ddiweddar, a oes hawl i mi gael y tâl a'r absenoldeb?

Nid oes, yn anffodus, dim ond os caiff y baban ei dderbyn i'r ysbyty yn syth ar ôl cael ei eni y bydd tâl ac absenoldeb baban yn yr ysbyty ar gael.

 Pa dâl fydd hawl i mi ei gael yn ogystal â'm taliadau statudol?

Bydd hawl gennych i gael 1 wythnos o dâl ac absenoldeb am bob wythnos lle bydd eich baban yn yr ysbyty. Bydd y cyfrifiad yn seiliedig ar eich oriau contract ar y dyddiad pan dderbynnir y baban i'r ysbyty - hyd at 37 awr yr wythnos.

Enghraifft:
Cyflog misol/nifer y diwrnodau mewn mis x nifer y diwrnodau y mae angen tâl amdanynt. Cysylltwch â'r Tîm Absenoldeb os oes gennych ymholiad.

Llwythwch mwy

Adnoddau Dynol

Ymddygiad a safonau

Cam-Drin Domestig a Thrais Rhywiol

Cysylltiadau â gweithwyr

Cefnogaeth Gweithwyr

Cydroddoldeb ac Amrywiaeth

Cwestiynau Cyffredin Gweithwyr

Cwestiynau Cyffredin Rheolwyr

Gweithio hyblyg

Swyddi a gyrfaoedd

Absenoldeb

Gadael y Cyngor

Cwrdd â'r tîm

Cyflog a buddion

Recriwtio

ResourceLink / MyView

Ailstrwythuro

Absenoldeb Salwch

Gwirfoddoli

Cynllunio'r Gweithlu a Chynllunio ar Gyfer Olyniaeth

Recriwtio gweithiwr asiantaeth

Mwy ynghylch Adnoddau Dynol